Cyngor & cymorth

Cefnogi Aelodau
Mae Cylch wedi ymrwymo i ddarparu’r cymorth gorau posibl ar gyfer ei Aelodau. Bydd ei dîm o swyddogion datblygu rhanbarthol yn gwasanaethu’r gogledd, de orllewin a de ddwyrain, gan gynnig help a chyngor ymarferol ar arferion da a chymorth busnes (yn cynnwys cynllunio ac ariannu).

 

Cyngor Cyllid
Yn ogystal, bydd y swyddogion datblygu rhanbarthol yn cynghori ar gyfleoedd cyllid sy’n agored i’r sector ailgylchu cymunedol, yn cynnwys cronfeydd Cleanstream® (wedi cau erbyn hyn) a’r Cynllun Ailgylchu Strategol, gan roi blaenoriaeth i gefnogi ceisiadau.

Rhwydweithio
Ar ben hynny, bydd Cylch yn trefnu cyfleoedd rhwydweithio a gweithdai drwy Gymru gyda’r swyddogion datblygu wrth law i hybu partneriaethau gwaith gydag awdurdodau lleol a helpu i sefydlu a chefnogi fforymau gwastraff.

 

Amgylchedd Cymru
Mae Cylch yn bartner craidd o fenter Amgylchedd Cymru, gan gyfrannu at rwydwaith pwysig y corff datblygu cynaladwy yma a helpu i greu cymunedau cynaladwy wrth symbylu gwaith amgylcheddol. Mae Cylch yn cyflogi Swyddog Datblygu Amgylchedd Cymru Cylch sy’n chwarae rôl allweddol wrth hyrwyddo’r fenter ymhlith Aelodau Cylch a thu hwnt. Yn ogystal, mae’n gyfrifol am ddatblygu project Ailgylchu Ysgolion.

Cysylltwch â ni am wybodaeth bellach.