Projectau

Ailgylchu ysgolion

Pob ysgol yn gallu ailgylchu
Yn ystod 2005 bydd Cylch yn cydweithio ochr yn ochr â chyrff eraill er mwyn cyflwyno cynlluniau o dan arweiniad disgyblion mewn ysgolion drwy’r wlad, a symbylu cenhedlaeth newydd o ailgylchwyr.

Menter newydd
Ar ddechrau’r flwyddyn llofnododd Cylch & Cadw Cymru’n Daclus femorandwm dealltwriaeth er sefydlu partneriaeth i weithredu rhaglen ‘Eco Ysgolion’, fydd yn galluogi Aelodau Cylch i fod yn rhan o elfen ailgylchu’r rhaglen.

Bydd y fenter yn helpu’r rhwydwaith ailgylchu cymunedol i gryfhau ei gysylltiadau lleol, cynyddu ei gynhwysedd a gwella lefelau dargyfeirio.

Project peilot
Trefnwyd peilot ysgolion Cylch yng Nghaerdydd (1999-2004), gan fabwysiadu ysgolion uwchradd ac ysgolion cynradd oed cysylltiedig er mwyn datblygu cynllun ailgylchu ymarferol gyda chymorth athrawon a disgyblion.

Darparwyd yr adnoddau i gasglu a storio’r deunyddiau (siediau, biniau a gwasanaeth casglu), gyda Swyddog Addysg Ysgolion yn trefnu cyfarfodydd a gweithdai ailgylchu rheolaidd yn yr ysgolion.

Wrth gynnal ‘Peilot Ailgylchu Ysgolion Caerdydd’ dysgodd Cylch lawer am sut i gefnogi a chynghori cyrff sut i sefydlu projectau ailgylchu ar y cyd ag ysgolion lleol.

Am wybodaeth bellach, darllenwch y ddogfen ‘Mae Pob Ysgol yn gallu Ailgylchu’ neu cysylltwch â Cylch.

Tudalen wedi ei ddiweddaru ar Mai 2ail 2005