Cyllid

Cymorth cyllid
Mae Cylch yn cynnig cymorth cyllid cyffredinol i’w Aelodau.

Hyd yma, mae Cylch wedi bod yn bennaf gyfrifol am roi cyngor a chymorth ar ddwy ffynhonnell gyllid: cronfa Cleanstream® (wedi cau) a’r Cynllun Ailgylchu Strategol (wedi cau). Mae wedi gwneud hynny mewn partneriaeth â Chyngor Gweithredu Gwirfoddol Cymru, Asiantaeth Amgylchedd Cymru, Cronfa’r Loteri Fawr, awdurdodau lleol Cymru a Llywodraeth y Cynulliad.

Dyrannwyd arian cronfa Cleanstream® (£2.75 miliwn – wedi cau erbyn hyn) yn gyflym iawn ac mae’r Cynllun Ailgylchu Strategol (£15.8 miliwn ar gyfer partneriaethau strategol) yn dilyn yr un drefn. Erbyn 2005, bydd dros hanner o gyllid y Gronfa honno wedi’i ddosbarthu.

Ffynonellau cyllid eraill

Cyngor Gweithredu Gwirfoddol Cymru
Mae partneriaeth Cylch â’r Cyngor yn golygu fod aelodau Cylch yn gallu cael cyngor a chymorth cyllid yn uniongyrchol gan y Cyngor. Mae’n gweinyddu nifer o grantiau Ewropeaidd addas ar gyfer y sector amgylcheddol.

0870 607 1666 yw rhif llinell gymorth y Cyngor. Mae ei wefan yn cynnwys llwyth o ddalenni gwybodaeth defnyddiol, ffurflenni cais a chyfarwyddyd ar grantiau addas megis y Gronfa Risgiau Cymdeithasol, ENFYS - Mynediad i ofodau agored a’r Cynllun Ailgylchu Strategol.

Amgylchedd Cymru
Mae Cylch yn un o bartneriaid craidd menter Amgylchedd Cymru ac yn cyfrannu at y rhwydweithiau sy’n cynnal ei hamcanion fel corff datblygu cynaladwy; wrth helpu i ddatblygu cymunedau cynaladwy drwy gyfrwng gwaith amgylcheddol ar y cyd. Mae Cylch yn cyflogi Swyddog Datblygu Amgylchedd Cymru a’i rôl, ymhlith eraill, yw helpu projectau ailgylchu i gael cyllid gan Amgylchedd Cymru.

Mae grantiau Amgylchedd Cymru yn cynnwys:

• grantiau sefydlu
• grantiau cyn-project
• grantiau cymorth hyfforddi
• grantiau projectau