Polisi Amgylcheddol

Cenhadaeth Cylch (Rhwydwaith Ailgylchu Cymunedol Cymru) yw Hyrwyddo rheolaeth adnoddau cynaliadwy drwy addysg a gweithredu ymarferol.  Amcanion Cylch yw datblygu rhwydwaith genedlaethol o sefydliadau ailgylchu cymunedol; darparu cefnogaeth o ansawdd i aelodau; gosod y sector ailgylchu cymunedol fel partner hanfodol yn nyfodol rheoli gwastraff yng Nghymru; a sefydlu Cylch fel menter gymdeithasol enghreifftiol.

Mae Cylch yn annog cymunedau i fod yn gyfrifol am faterion gwastraff ac yn credu y dylai deunyddiau gwastraff gael eu gweld fel adnodd, a thrwy adfer yr adnodd hwnnw, ddarparu cyflogaeth i bobl leol.  Ar hyn o bryd mae Cylch yn cynrychioli mwy na 60 o brosiectau cymunedol drwy Gymru.

Nod Cylch yw hyrwyddo safonau amgylcheddol uchel yn fewnol ac yn allanol, gan gynnwys ymddiriedolwyr, aelodau staff, contractwyr a phartneriaid yn y sectorau gwirfoddol, cyhoeddus a phreifat.

Mae Cylch yn gwerthfawrogi fod ei weithgareddau yn cael effaith ar yr amgylchedd yn lleol ac yn fyd-eang ac mae wedi ymrwymo i atal llygredd wrth gynnal ei weithgareddau ac i barhau i wella ansawdd amgylcheddol ei weithrediadau, prosesau a gweithgareddau.

Amcanion Cylch yw:

Cwrdd â neu ragori ar yr holl amodau deddfwriaeth amgylcheddol perthnasol cymell staff i gefnogi a chyfrannu at raglen gwella’r amgylchedd, yn cynnwys cynyddu ymwybyddiaeth o bolisi amgylcheddol y cwmni hyrwyddo gwarchod yr holl adnoddau drwy: - defnyddio adnoddau cynaliadwy a chynyddu’r defnydd o ddeunyddiau wedi’u hailgylchu neu y gellir eu hailgylchu, - ailgylchu mwy o ddeunyddiau, - gostwng y defnydd o adnoddau megis dŵr, ynni a phapur, lle’n ymarferol, a - monitro ac adolygu’r defnydd o drafnidiaeth adolygu’r polisi hwn yn flynyddol a’i ddiweddaru os bydd angen gweithredu’r camau a nodir yn ein Cynlluniau Gwella’r Amgylchedd.

Dyddiad: 02/03/06
Cyhoddiad:3

Polisi Prynu Amgylcheddol
Yn ogystal, mae Cylch wedi cynhyrchu Polisi Prynu Amgylcheddol.

Amcan
Amcan y polisi hwn yw sicrhau, lle bo’n briodol, bod nwyddau a gwasanaethau a brynwyd ar gyfer, ac ar ran Cylch wedi cael eu gwneud, dosbarthu, defnyddio a’u rheoli ar ddiwedd eu hoes mewn dull sy’n gyfrifol o safbwynt yr amgylchedd.
Maes
Dylai’r polisi hwn fod yn berthnasol, lle bo’n bosibl, i holl benderfyniadau prynu a wneir gan staff Cylch a gwirfoddolwyr sydd wedi eu lleoli yn swyddfa Caerdydd.  Yn ogystal, mae’r polisi hwn yn berthnasol i staff Cylch sydd y tu allan i swyddfa Caerdydd.  Fodd bynnag, deallwn fod rhai penderfyniadau prynu y tu allan i reolaeth staff Cylch.

Materion Allweddol
Y materion allweddol y cyfeirir atynt yn y polisi hwn yw:

• yr angen i ddatblygu egwyddorion sy’n ymwneud a phrynu pethau i Cylch er mwyn cefnogi Polisi Amgylcheddol Cylch
• yr angen i barhau i wella perfformiad amgylcheddol Cylch
• yr angen i osod esiampl o ymarfer gorau i Aelodau a sefydliadau'r bartneriaeth.

Gweithredu
Gweithredir y polisi hwn drwy hyfforddiant priodol a chyfathrebu’r egwyddorion allweddol ynglŷn â’r drefn o brynu.  Lleolir copi o’r polisi prynu yn ffolder y Ddraig Werdd (swyddfa Caerdydd) ac ar weinyddwr cyfrifiadurol y cwmni.
Gwerthusiad ac Adolygiad
Adolygir a diweddarir y polisi hwn yn flynyddol.

Diweddarwyd: 24 Mai 2006